ബുധനൂർ
ഗ്രാമ പഞ്ചായത്ത്

ആലപ്പുഴ ജില്ലയിലെ ബുധനൂർ എന്ന പ്രദേശം ചരിത്രപരമായി ഏറെ പ്രാധാന്യമർഹിക്കുന്ന ഒന്നാണ്. 'ബുദ്ധന്മാരുടെ ഊര്' എന്ന സങ്കൽപ്പത്തിൽ നിന്നാണ് ബുധനൂർ എന്ന പേരുണ്ടായതെന്ന് പരക്കെ വിശ്വസിക്കപ്പെടുന്നു. പ്രമുഖ ചരിത്രകാരൻ എ. ശ്രീധരമേനോന്റെ കേരള ചരിത്രത്തിലും ഈ പ്രദേശത്ത് ഒരിക്കൽ ശക്തമായി നിലനിന്നിരുന്ന ബുദ്ധമത സ്വാധീനത്തെക്കുറിച്ച് വ്യക്തമായി പ്രതിപാദിക്കുന്നുണ്ട്. ജനപഥങ്ങളുടെയും ഭൂപ്രകൃതിയുടെയും സവിശേഷതകൾക്ക് അനുസൃതമായി ഈ പഞ്ചായത്തിൽ വൈവിധ്യമാർന്ന നിരവധി സ്ഥലനാമങ്ങൾ പ്രചാരത്തിലുണ്ട്. കടമ്പൂര്, പെരിങ്ങാട്, ബുധനൂർ, തൈയ്യൂർ, എണ്ണയ്ക്കാട്, ഇലഞ്ഞിമേൽ, പെരിങ്ങിലിപ്പുറം, ഗ്രാമം, ഉളുന്തി എന്നിവയാണ് ഇവിടുത്തെ പ്രധാന സ്ഥലങ്ങൾ. ഈ സ്ഥലനാമങ്ങളുടെ അടിസ്ഥാനത്തിലാണ് ഇവിടുത്തെ കരകളും വാർഡുകളും രൂപപ്പെട്ടിട്ടുള്ളത്. കൂടാതെ, ഗ്രാമത്തിന് സമസ്ത ഐശ്വര്യങ്ങളും പ്രദാനം ചെയ്തുകൊണ്ട് വെൺമണി, ആല, ബുധനൂർ വഴി ഒഴുകിയിരുന്ന ഉത്തര പള്ളിയാറ്,...